Novas

#SaboresdeOurense
23
Marzo 2017

Aberto o prazo de inscripción no concurso de pinchos Primavera 2017

Unha nova edición do Concurso de Pinchos Sabores de Ourense está xa en preparación. Organizado conxuntamente pola Concellería de Turismo e Termalismo de Ourense e a Unión de Hosteleros Ourensanos (UHO), esta 6ª edición desenvolveráse do 27 de abril ao 7 de maio, coincidindo coa celebración dos Maios, Festa de Interese Turístico.

Como cada primavera, o requisito imprescindible para participar é que os pinchos estean elaborados con materias primas frescas e de tempada, de produción integrada ou ecolóxica, buscando potenciar así os produtos locais. O importe máximo dos pinchos será 2,50 €: prezos populares ao alcance de todos os petos.

O prazo para os establecementos que queiran participar xa está aberto. Teñen ata o 3 de abril para inscribirse, aportando o formulario  de inscrición debidamente cuberto e un xustificante de pagamento da cota de inscrición, que será de 50 €. Tanto a ficha como as bases do concurso poden descargarse nos seguintes botóns.

descargar as BASES DO CONCURSO descargar a FICHA DE INSCRICIÓN

Compartir